Алматы облысында ұн зауытындағы жарылыстан зардап шеккендердің бәрі қайтыс болды
Фото: Бейнеден кадр
Алматы облысындағы зауытта болған жарылыс кезінде зардап шеккендердің бәрі қаза тапты, деп хабарлайды Orda.kz.
Жарылыс Қарасай ауданы Жібек Жолы ауылында орналасқан ұн өнімдерін өндіретін зауыт аумағында болған. Өрт салдарынан 4 адам жарақат алған еді. Олар ауруханаға жеткізіліп, екеуі көз жұмды. Ал екі адам ауыр жағдайда, жансақтау бөлімінде жатқан болатын. Бұған дейін олардың денелерінің 80-90 пайызын күйік шалғаны айтылды. Қаралы хабарды «АзияАгрофуд» АҚ басқармасының баспасөз қызметі жеткізді.
«2025 жылғы 23 мамырда «АзияАгрофуд» ұн зауыты аумағында болған қайғылы оқиға салдарынан біздің әріптестеріміз қаза тапқанын қайғыра хабарлаймыз. Бұл қайғылы жағдай біздің бүкіл компаниямызға ауыр соққы болды», деп хабарлады «АзияАгрофуд».
Компания басшылығы қаза тапқандардың туыстарына, жақындары мен достарына көңіл айтты.
«Бұл қиын кезеңде қаза тапқандардың отбасыларын қолдау үшін қолдан келгеннің бәрін жасаймыз. Заңда және қолданыстағы корпоративтік бағдарламаларда көзделген сақтандыру төлемдерінен басқа, компания қаза тапқандардың отбасыларына қосымша материалдық көмек көрсетеді. Біз жерлеуге байланысты барлық шығындарды өз мойнымызға аламыз», деп мәлімдеді компания.
Компания қаза тапқандардың туыстарымен үнемі байланыста болатынын және барлық жағдайда көмек көрсетуге дайын екендігін атап өтті.
Қазіргі уақытта жарылыс себептері мұқият тексеріліп жатыр.
Айта кетейік, бұған дейін астық қалдықтарының шаң-тозаңы жарылысқа себеп болғаны айтылды.
Жаңалықтар
- Министр: Тұрғын үй бағасының зейнетақы жинағына қатысы жоқ
- Әскерде зорландым деп ақша жинаған адам сотталды
- Енді темекі шегетіндер өкпе обырына тегін тексеріле алады
- Тамыздан бастап Қазақстанда не өзгереді: Жүргізуші куәлігі, жаңа сайлау
- Махамбет Өтемісов атындағы университеттің ректоры ұсталды деген ақпарат тарады
- Дастан Сәтпаев «Челси» сапында дебют жасады
- 31 жастағы ер адам 74 жастағы әйелді пышақтап өлтірді
- Астанада өз бетінше автобус жуып жүрген жігіттің әрекеті мемге айналды
- Нұрай Серікбайдың ісі: Сот алқабилерсіз өтуі мүмкін, жәбірленуші тарап тікелей эфир талап етті
- Жаңа талап: Жүргізуші куәлігін жарамсыз етуге қандай негіз бар?
- Қорапқа салып берді: Жаңа туған үшем Алматы облысындағы ауруханада шетінеп кетті
- Қазақстан қорықтарында 19 орман өрті тұтанды
- Трамп Канададан келетін тауарларға 50 пайыздық баж салығын енгізді
- Тоқаев Испания құрамасын футболдан әлем біріншілігіндегі жарқын жеңісімен құттықтады
- ӘЧ-2026: Испандар жеңісі үшін гауһар тасты 30 алтын жүзік алады
- Павлодар облысында құдыққа түскен алты адам қаза тапты: Марқұмдардың ең жасы 16 жаста
- Әлем чемпионаты – 2026: Турнирдің үздіктері анықталды
- Месси мен Роналду дәуірі аяқталды: 2026 жылғы әлем чемпионаты несімен есте қалды?
- Ескертуге қарамастан КҚК теңіз терминалындағы мұнай танкеріне тағы шабуыл жасалды
- Венесуэладағы жер сілкінісі құрбандарының саны бес мыңнан асты
