Алматы облысында ұн зауытындағы жойқын жарылыстан тағы бір адам көз жұмды

Алматы облысы Шамалған станциясының маңында орналасқан ұн зауытындағы жарылыстан жан сақтау бөлімінде жатқан тағы бір адам қаза тапты, деп хабарлайды Orda.kz.

23 мамыр күні Алматы облысы Жібек жолы ауылында орналасқан «АзияАгроФуд» зауытында жарылыс болып, 4 адам зардап шекті. Олардың  бірі оқиға орнында бірден көз жұмды. Деректер бойынша, қаза болған марқұмның жасы 50-де және ол 10 жыл бойы сол зауытта қызмет атқарып келген.

Жан сақтау бөліміне жеткізілген тағы бір қызметкердің жан тапсырғаны белгілі болды. Ауруханаға жеткізілген екі адамның біреуінің денесі 95% ал екіншісінің денесі 80% күйген, олар қазір жан сақтау бөлімінде жатыр. Дәрігерлердің айтуынша, олардың жағдайы ауыр.

Өртенген аумақ 1377 шаршы метр болды. Өртті сөндіруге Алматы облысы ТЖД, Алматы қаласы ТЖД және жергілікті атқарушы органдардың 100-ден астам жеке құрамы мен 31 техника жұмылдырылды.