Алматы облысында теміржол бойына мәйітті тастап кеткен күдікті ұсталды

Алматы облысында теміржол бойынан табылған мәйітке қатысы бар 49 жастағы күдікті ұсталды, деп хабарлайды Orda.kz. 

Алматы облысында ер адамның мәйітін теміржол рельстеріне алып барып тастады деген күдікпен 49 жастағы ер адам ұсталды деп хабарлайды агенттік тілшісі.

«Бұл факті бойынша қылмыстық іс қозғалды. Жедел-іздестіру шаралары нәтижесінде күдікті 49 жастағы азамат ұсталып, уақытша ұстау изоляторына қамалды»,  деп мәлімдеді Алматы облысы полиция департаментінің баспасөз қызметі.

Қазіргі таңда қылмыстың барлық мән-жайын анықтау үшін қажетті тергеу әрекеттері жүргізіліп жатыр.

Еске салайық, 7 мамыр күні Алматы облысында теміржол бойынан ер адамның мәйіті табылып, тергеу басталған болатын.