Алматы маңындағы теміржол бойынан мәйіт табылды: Полиция тергеу бастады

Алматы маңындағы теміржол бойынан мәйіт табылды. Полиция тергеу бастады. 7 мамыр кешкісін Қайрат — Байсерке теміржол өткелінде (Сарыөзек — Алматы бөлігі) жүк пойызының машинисі тежегішті шұғыл басуға мәжбүр болды, деп хабарлайды Orda.kz. 

Себебі рельс үстінде ер адам жатқан, ол дыбыстық сигналдарға селт етпеген. Алайда тежегішті басқанның өзінде бар жылдамдықпен келе жатқан пойыз адамды қағып өтті.

«Қазақстан темір жолы» баспасөз қызметінің хабарлауынша, пойыз сағат 20:52-де тоқтатылған. Оқиға орнынан мәйіт табылды.

Оқиға орнына полиция келіп, тергеу жұмыстарын жүргізіп жатыр.