Алматы облысында оқушылар 7-сыныпта оқитын жетім қызды зорлап, видеосын сатты

Оқиға Алматы облысы Жамбыл ауданындағы Қарғалы ауылындағы жеке тұрғын үйлердің бірінде болған, деп хабарлайды Orda.kz.

Бұл жайлы қоғам белсендісі әлеуметтік желіде мәлімдеді. Оның айтуынша, мектептің бірнеше оқушысы 7-сыныпта оқитын жетім қызды зорлаған. Оқиғаны видеоға түсіріп, кейін оны желіде жариялаған.

Аудандық білім бөлімінің мәліметінше, оқиға 21 қыркүйекте болған, бірақ мектеп директоры бұл туралы 13 қазанда ғана біліп, дереу полицияға хабарласқан. Ал жәбірленушінің туыстары істің өткен аптада белгілі болғанын және соның өзінде оқиғаны елден жасырмақ болғандарын айтты.

Полиция тергеу бастады. ҚР Қылмыстық кодексінің 124-бабының 1-бөлігі бойынша қылмыстық іс қозғалды. Барлық мән-жайлар анықталады. Қызға психологиялық көмек көрсетіліп жатыр.

Orda.kz бұған дейін Ақтөбе облысында тоғызыншы сынып оқушысының босанғаны жайлы жазған еді. Бейресми мәліметке сүйенсек, күдікті ретінде анасының өгей әкесі ұсталған.