Алматы облысында қар көшкіні жүрді

Бүгін, 23 наурызда, таңғы сағат 8: 28-де Еңбекшіқазақ ауданында қар көшкіні жүріп, жолдың бір бөлігін жартылай жауып қалды. Бұл туралы Алматы облысы ТЖД баспасөз қызметіне сілтей отырып, Orda.kz хабарлайды.

Облыстық маңызы бар «Түрген ауылы - Батан шатқалы» автожолының 23,5 және 18 шақырымында қардың еруі мен тау бөктеріндегі қыстан бері жиналып қалған қардың өздігінен жылжуынан қар көшкіні болды.

«Автомобиль жолы облыстық маңызға ие, оны жергілікті атқарушы органдар тазартады. Оқиға салдарынан зардап шеккен адам немес қираған ештеңе жоқ. Қар көшкіні «Түрген ауылы - Батан шатқалы» автожолының жүріс бөлігін ішінара жауып тастады, алайда автокөлікке арналған жол ашық», деп хабарлады Алматы облысы ТЖД баспасөз қызметі.

ТЖД азаматтардың қауіпсіздігін және жол қозғалысын қамтамасыз ету мақсатында Алматы облысының «Жолаушылар көлігі және автомобиль жолдары басқармасының» хатына сәйкес, 2024 жылдың 15 қарашасы мен 2025 жылдың 31 наурызы аралығында облыстық маңызы бар «Түрген - Батан - Асы обсерваториясы»  автожолының 15-41 шақырым учаскесі қозғалыс үшін жабық екенін ескертті.

Еске салайық, бұрын Шымбұлаққа жақын жерде қар көшкіні болды. Көшкен қардың астында 34 жастағы Ресей шаңғышысы қаза тапты. Кейінірек белгілі болғандай, үш шаңғышы курорттан тыс, тау басындағы қауіпті аймақта сырғанап, қар көшкіні жүруіне себеп болған.

Қар көшкіні кезінде мерт болған әйел тау шаңғысынан кәсіби спортшы екені белгілі болды.