Алматы облысында баланы көлікпен қағып, қашып кеткен экс-полицей ұсталды

Алматы облысында 4 шілде күні баланы көлігімен қағып, оқиға орнынан бой тасалаған жүргізуші ұсталды, деп хабарлайды Orda.kz. 

Алматы облысының Көкөзек ауылында Lexus RX 300 автокөлігінің жүргізушісі велосипедпен келе жатқан алты жастағы баланы қағып кетті. Кейін жүргізуші балаға көмек көрсетудің орнына апат болған жерден қашып кетті.

Полиция жол апатына байланысты қылмыстық істі тіркеп, тергеуді бастады. 

Полиция жүргізушінің бұрын ішкі істер органдарында қызмет еткенін, бірақ жұмыстан шығарылғанын мәлімдеді. 

Айта кетейік, 1 шілде күні Алматы облысында 10 жастағы баланы төбеттер талап тастады.