Алматы - Нью-Йорк: 2026 жылы тікелей рейс іске қосылады

Қазақстандықтар Алматы мен Нью-Йорк арасындағы тікелей рейсті бірнеше жылдан бері күтіп отыр, - деп хабарлайды Orda.kz.

СІМ хабарлағандай, әуе рейсі 2026 жылы іске қосылады. Бастапқыда осы бағытты 2025 жылы ашуға уәде берілген болатын, енді мерзім кейінге қалдырылды. Нақты күнін айтпаса да жылы бегілі болды.

«Алматы-Нью-Йорк тікелей рейсінің ашылуы келесі жылы серіктестікті дамытуға қосымша ынталандыру болып, бизнес үшін жаңа мүмкіндіктер ашады», - деді сыртқы істер министрінің орынбасары Әлібек Қуантыров. 

АҚШ-қа тікелей рейстер туралы әңгіме 2023 жылдан бері жалғасып келеді. 2024 жылдың сәуірінде Қазақстан мен Американың авиациялық әкімшіліктері келісімге келді дерлік, бірақ уәделерден әрі бармады. Енді  қазақстандықтар Нью-Йоркке ұшуды 2026 жылға дейін күтеді.

Жақында Алматы – Минск – Алматы бағыты бойынша жаңа тікелей рейс  іске қосылды. 10 тамыз күні таңертең алғашқы ұшақ Беларусь астанасына аттанды. 

2025 жылдан бастап Қазақстан мен Қытай арасында рұқсат етілген рейстердің жалпы саны аптасына 124-ке дейін ұлғайтылды. Сонымен қатар, екі елдің тағайындалған авиакомпанияларына «ауа еркіндігінің» бесінші дәрежесін пайдалана отырып, рейстерді орындауға рұқсат етілген.