Қазақстан мен Қытай бағытына жаңа әуе рейстері қосылады

Қазақстан мен Қытай жаңа авиациялық рейстер туралы келісті, деп хабарлайды Orda.kz. Келіссөздер Орталық Азия - Қытай (С5 + 1) форматындағы ынтымақтастық жөніндегі жұмыс тобының конференциясы аясында өтті.

Екі елдің авиациялық билік орындары бағыт желісін кеңейту және екіжақты әуе қатынасын дамыту жөніндегі уағдаластықтарды бекітетін меморандумға қол қойды.

«Тараптар қазақстандық тасымалдаушылар үшін жаңа пункт - Құлжа қаласын қосу туралы келісті. Келіссөздер барысында сондай-ақ Қашғар қаласына рейстерді орындау мәселесі талқыланды» деп хабарлады Көлік министрлігі. 

2025 жылдан бастап елдер арасында рұқсат етілген рейстердің жалпы саны аптасына 124-ке дейін ұлғайтылды. Сонымен қатар, екі елдің тағайындалған авиакомпанияларына «ауа еркіндігінің» бесінші дәрежесін пайдалана отырып, рейстерді орындауға рұқсат етілген.

Бұдан басқа, 2025 жылғы 29 мамырда аптасына екі рейс жиілігімен Шымкент - Шанхай авиамаршруты ашылды. 2 және 4 шілдеде Шымкенттен Сиань мен Үрімшіге рейстер ашылды. Рейстер аптасына екі рейс жиілігімен орындалады.

«4 шілдеден бастап ҚР тасымалдау нарығына қытайлық жаңа тасымалдаушы - China Eastern Airlines» авиакомпаниясы Алматы-Гуанчжоу бағыты бойынша аптасына 3 рейспен ұшады. Бұл өз паркінде 800-ден астам әуе кемесі бар әлемдегі ең ірі авиакомпаниялардың бірі». 

Сонымен қатар 13 тамызда Қазақстанда алғаш рет қытайлық COMAC авиакосмостық құрылыс компаниясы әзірлеген «С909» ұшағы қонды. Әуе кемесі Үрімші - Қарағанды - Үрімші бағыты бойынша рейсті орындады.

 Сонымен қатар, Украина Президенті Владимир Зеленский Ақ үйдің басшысы Дональд Трамппен әңгімелескенін оқи отырыңыздар.  Украина көшбасшысы өзінің Telegram-арнасында РФ мен АҚШ келіссөздерінің қорытындыларын талқылағанын хабарлады.