Алматы әуежайының коммерциялық нысандары мемлекетке қайтарылды 

Авиациялық көлік прокуратурасы заңсыз шығарылған мемлекеттік активтерді қайтару жөніндегі жұмыс шеңберінде Алматы халықаралық әуежай жолаушылары терминалының коммерциялық үй-жайларын жеке тұлғалардың пайдасына заңсыз иеліктен шығарғанын анықтады.

Соттың 29.12.2022 жылғы шешімімен прокуратураның талап-арызы толық көлемде қанағаттандырылды. Сот актісі биылғы 13 наурызда күшіне енді.

«Бүгінгі таңда соттың шешімін орындау аясында меншік құқығын Алматы қаласы әкімдігіне тіркеу «Азаматтарға арналған үкімет» АҚ бойынша, ал Әділет департаментімен нысандарды мемлекет пайдасына тікелей беру жұмыстары басталды» делінген Бас көлік прокуратурасының баспасөз ықзметі таратқан хабарламада.