Әлемде жаңа тәртіп қалыптасып жатыр. Ол кереғар сипатқа ие - Тоқаев

Қасым-Жомарт Тоқаев әлемде жаңа тәртіп қалыптасып жатқанын айтып, Қазақстан үшін мемлекетті жан-жақты жаңғыртудың стратегиялық маңызы зор екенін атап өтті, деп хабарлайды Orda.kz.

Тоқаев Қазақстанда жүргізіліп жатқан реформалар елдің өзгермелі әлем жағдайына бейімделуіне бағытталғанын жеткізді. Президенттің айтуынша, реформалар барысында қазіргі және болашақтағы ықтимал жаһандық сын-қатерлер де ескеріліп жатыр.

 «Әлемде жаңа тәртіп қалыптасып жатыр. Ол кереғар сипатқа ие бір жағынан – қауіпті, зиянды, келешегі бұлыңғыр, ал екінші жағынан – прогрессивті, технологиялық, перспективті әрі адамзат тарихындағы елеулі бетбұрыс саналады. Мұндай жағдайда экономика, ғылым, әскери-дипломатия салаларында өзінің егемендігін нақты іспен қорғап, нығайтуға қауқарлы, ең маңыздысы, адам әлеуетін дамытатын мемлекеттер ғана жаңа дәуірге бейімделетіні баршаға түсінікті. Дәл осы себепті мемлекетімізді жан-жақты жаңғырту стратегиялық тұрғыдан маңызды. Мақтангершілік емес, әділін айтсақ, біз жүргізіп жатқан ауқымды реформалардың қарқыны алдағы уақытта үдей түспесе, бәсеңдемейді. Қарапайым тілмен айтқанда, артқа шегінер жол жоқ. Бұл – елеулі жетістік», – деді Тоқаев.

Айта кетейік, Астанда Құрылтайдың алғашқы отырысы өтіп жатыр.

Оқи отырыңыз:

Тоқаев үкіметті таратты

Тоқаев: Сайлау ашық әрі әділ өтті, өте жоғары деңгейде ұйымдастырылды