«Алдын-ала жоспарлаған»: Cерік Шәріптің анасы Әлияны кінәлады

Серік Шәріптің анасы Гүлнәр Мұратқызы өзінің Instagram парақшасында ұлының қамалғанына Әлия Бөтееваны кінәлады, деп хабарлайды Orda.kz.

Оның сөзінше, зардап шектім деген Әлия Бөтеева бәрін ұлына қарсы қасқана жасаған.

«Ол өзінің арам ойын алдын-ала жоспарлаған. Менің ұлым арадағы қарым-қатынасты баяғыда тоқтатқанымен, ол қыз баламды жайына қалдырмай, аңдып жүрді. Салдарынан 8 ақпан күні ол өз жоспарын жүзеге асырды. Қандай мақсатпен және қалай ұйықтап жатқан ұлымның пәтеріне кіріп жүр? Сол күні ол арам ойын жүзеге асырды және сол жерде тұрмаса да, лифттен бейнежазбаны заңсыз алды» деп жазды Гүлнәр Мұратқызы өзінің Instagram парақшасында.

Гүлнәр Мұратқызы Әлияның 8 ақпан күні оқиға бола сала полицияға арыз жазбай, сараптамадан өтпей, тек 4 сәуір күні барып оған арыз жазғанына наразы болды.

«Егер шынымен шапалақпен ұрса, неге ол сол күні полиция шақырмады, сараптамадан өтпеді, өтініш бермеді? Неліктен ол 2 айдан кейін барып қана арыз жазды? Неліктен полиция менің ұлымды видео түсіруге мәжбүрледі?», — деді анасы.

Гүлнәр Мұратқызының айтуынша, екі жыл бойы Бөтеева оның ұлын пайдаланып, оның ақшасына өмір сүріп келген.

«Екі жыл бойы ол менің ұлымды пайдаланып келді. Оның тұрақты жұмысы жоқ, бірақ қай ақшасына шетел асып, әдемі киініп жүр? Ол ылғи да атақты болғысы келетінін айтатын және өз дегеніне жетті. Атағы шығып, көп оқырман жинады. Өтірік пен жала жабу арқылы ұлымды жаман атты қылды. Бәрі ұмытылады, бірақ құдай ұмытпайды және ол жазасыз қалмайды. Біреуге ор қазба, өзің түсесің деген сөз бар», — деп сөзін аяқтады Гүлнәр Мұратқызы.

Еске сала кетсек, танымал әртіс Шәріп Серік бұрынғы қызын ұрғаны үшін 5 күнге  қамалды. Ал актермен келісімшартқа отырған компаниялар шарттарын түгел бұзды.

Шәріп Серік – Қазақстандағы танымал киноларға түсіп жүрген актер. Мысалы, «Біздің жігіттер» («Районы» ), «Наурыз», «Шекер» т.б. фильмдерге түскен. 

Сондай-ақ, бұған дейін Жетісу облысында жасөспірім 86 жастағы қарияны ұрып-соғып, жасөспірім профилактикалық есепке қойылғаны туралы жазған болатынбыз.