Жетісу облысында жасөспірім 86 жастағы қарияны ұрып-соқты

Жетісу облысы Өтенай ауылында болған, кәмелетке толмаған жасөспірім 86 жастағы қарияға қол көтерді, деп хабарлайды Orda.kz.

Полиция мәліметінше, жасөспірім бокспен айналысады. Қарияға дене жарақатын келтіру фактісі бойынша қылмыстық іс қозғалды.

«Жасөспірім профилактикалық есепке қойылды. Сондай-ақ, Талдықорған әкімдігі жанындағы кәмелетке толмағандардың істері жөніндегі комиссияға ұсыныс жолданды»,  деп хабарлады Жетісу облыстық полиция департаменті.

Зейнеткердің айтуынша, жасөспірім оның кәмелетке толмаған туысына орынсыз қылық көрсеткен. Қария оған ескерту жасағанда, жасөспірім оған шабуылдаған.

Айта кетейік, бұған дейін Алматыда әйелін сойылмен ұрған ер адам ұсталған. Жәбірленушінің туыстары оған тағайындалған жазаның жеңілдігіне наразылық білдірді.