Алдағы сайлауға қатысты Ерлан Қариннен 10 жаңалық

Қазақстанның мемлекеттік кеңесшісі мәслихат пен Парламент Мәжілісі сайлауында күтілетін ең маңызды өзгерістерді атады.

Қасым-Жомарт Тоқаев 19 қаңтарда «Барлық деңгейдегі мәслихаттардың өкілеттігін мерзімінен бұрын тоқтату туралы» жарлыққа қол қойды. Қазақстанда жергілікті мәслихаттардың ғана емес, Парламенттің төменгі палатасының да сайлауы күтілуде. Айта кетейік, осыдан бірнеше күн бұрын Қаржы министрлігі Мәжіліс сайлауына ақша жоқ екенін айтқан болатын.

Қазақстан Республикасының Мемлекеттік кеңесшісі Ерлан Қарин алдағы сайлауға қатысты негізгі 10 жаңалығымен бөлісті:

• Мәжіліс депутаттығына кандидаттар бір мандатты округтер бойынша сайланады (98 депутаттың 29-ы).

• Депутаттар  өзін-өзі ұсына алады.

• Сайлау кезектен тыс болса да, олар алты ай бұрын жарияланған болатын.

• Партиялардың өту шегі 7-ден 5%-ға дейін төмендетілді.

• Мандаттарды бөлу кезінде әйелдерге, жастарға және ерекше қажеттіліктері бар адамдарға 30% квота қолданылады.

• Енді Мәжілісте Қазақстан Халқы Ассамблеясының квотасы болмайды.

• Мәжіліс пен мәслихаттар сайлауына арналған бюллетеньдерде алғаш рет «барлығына қарсы» деген баған болады.

• Сайлауға жеті саяси партия қатыса алады. Оның екеуі партиялар туралы заңның жаңа нормалары күшіне енгеннен кейін тіркелді.

• Облыстық аумақтық сайлау комиссиялары кәсіби негізде жұмыс істейді.

• Астанада, Алматыда және Шымкентте төрт бюллетень, басқа қалаларда бес бюллетень бойынша дауыс береді.

Бұған дейін Қазақстан Республикасының мемлекеттік кеңесшісі 2023 жылдың жаңа саяси маусымы туралы айтқан болатын. Ерлан Қарин бұл бұрынғыдан кем емес ішкі саяси оқиғаларға толы болады деп есептейді.