Алакөл қорығының басшылары жемқорлық үшін сотталды

Жетісу облысында Алакөл мемлекеттік табиғи қорығының басшылығы сыбайлас жемқорлық әрекеттері үшін сотталды, деп хабарлайды Orda.kz.

Қорықтың директоры, оның орынбасары және бөлім басшысы жергілікті тұрғындардан заңсыз шөп шабуға көз жұму үшін бірнеше рет пара алғаны үшін кінәлі деп танылды.

«Мемлекеттік қызметшілерге 10,5-тен 15,7 миллион теңгеге дейін айыппұл салынды. Сонымен қатар, оларға өмір бойына мемлекеттік қызмет пен квазимемлекеттік секторда жұмыс істеуге тыйым салынды. Пара берген жергілікті тұрғындар да айыппұл төлейді — ол 2,2-ден 6 миллион теңгеге дейін болды», — деп хабарлады сыбайлас жемқорлыққа қарсы іс қимыл агенттігі.

Сот шешімі заңды күшіне енді. Егер айыппұлдар уақытында төленбесе, жазаның орнына түрмеге қамалу жазасы беріледі.

Еске сала кетсек, Orda.kz Шымкент қаласындағы миллиардтарды жымқырған «Қуатжылуорталық-3» мемлекеттік кәсіпорын қызметкерлеріне қатысты сотқа дейінгі тергеу аяқталғаны жайлы жазған болатын.

Orda.kz Жетісу облысы Ақсу ауданында 72,5 млн теңгенің газ құбырлары ұрланғаны жайлы жазды. 

Бұған дейін Orda.kz  Солтүстік Қазақстанға қазақ санын көбейту мақсатында үй салып, көшіретін «Еңбек» бағдарламасынан миллиардтаған ақшаның жымқырылғаны жайлы зерттеу мақаланы мына сілтемеден оқыңыз.