Ақтөбеге шұғыл қонған Ресей ұшағында бір жолаушы қайтыс болды

Nordwind Airlines әуе компаниясының Boeing-777 ұшағы Ақтөбе халықаралық әуежайына шұғыл қонды. Әуежайға қонғаннан кейін бір жолаушы қайтыс болды, деп хабарлайды Orda.kz.

Бүгін сағат 12:35 шамасында Екатеринбург – Сочи бағыты бойынша ұшып бара жатқан Nordwind Airlines әуе компаниясының ұшағы шұғыл Ақтөбе әуежайына қонды. Себебі – жолаушылардың бірі өзін жайсыз сезініп, жағдайы күрт нашарлаған. Алдын ала жария етілген мәліметтерге зер салсақ, 42 жастағы әйел қайтыс болған.

Ұшақ жергілікті уақыт бойынша 12:35-те Ақтөбе әуежайына қонды. Бортта 564 жолаушы болған, олар әзірге ұшақ ішінде қалды. Басқа мәліметтер анықталып жатыр.

Еске сала кетейік, 2024 жылы 25 желоқсанда Ақтау қаласы маңына Әзірбайжан елінің ұшағы құлаған еді.