Ақтөбеде тұрғын үйде газ жарылып, бір адам қаза тапты
Коллаж: Orda.kz
Ақтөбеде бес қабатты тұрғын үйдің 4-қабатында газ жарылды. Бір адам қаза тапты, деп хабарлайды Orda.kz.
Оқиға бүгін, 4 маусым күні Ақтөбе қаласы Абай даңғылы бойындағы бес қабатты үйде болды. Облыстық ТЖД-ның хабарлауынша, үйдің 4-қабатында газ-ауа қоспасының жарылысы болған. Салдарынан өрт шықты және жарылыс үйдің екі қабатын бөліп тұрған еденді құлатқан. ТЖД-ның мәліметінше, ҚК-тің 292 бабы 2 тармағы бойынша іс қозғалды.
Оқиға куәгерлері желіге бейне жүктеді. Бейнеде желі қолданушысы жарылыс кезінде ер адамның ұшып түскенін, тұрғындар жанып жатқан ер адамды сумен сөндіргенін айтады.
Өрт толығымен сөндірілді. Ақтөбе облысының ТЖД бастығының бірінші орынбасары Еркін Қашқановтың айтуынша, көпқабатты үйдің 4 және 5-қабаттары өртеніп, 3 пен 4-қабат арасындағы еден опырылған. 73 адам эвакуацияланды. 5-қабатта қалған бір адам құтқарылды.
Оқиға орнында облыстық ТЖД-ның штабы құрылды. Айнала қоршауға алынған. Жарылыс болған аймақта 4 жедел жәрдем бригадасы тұр.
«Өртке қатысты қоңырау сағат 18:33-те келіп түсті. Оқиға орнына жедел жәрдем бригадасы 7 минутта жетті. 103 қызметі келгенге дейін ер адамның көз жұмғаны анықталды», - деді Ақтөбе облысы денсаулық сақтау басқармасының басшысы Ерлан Сұлтангереев.
Оқиғаның себептері анықталуда.
Айта кетейік, бүгін БҚО-да 5 бала газдан уланып көз жұмды.
Автор: Ардақ Ерубаева
Жаңалықтар
- АҚШ алғаш рет Польша арнайы жасағын Украинадағы дрон соғысының тәжірибесі бойынша жаттықтырып жатыр
- Енді депутаттарға сауал тек баспасөз орталығында қойылуы мүмкін
- Тоқаев премьер-министр Олжас Бектеновті қабылдады
- Батыс Қазақстанда балабақша есепшісі 30 млн теңге жымқырды деген күдікке ілінді
- Тоқаев вице-президент Ерлан Қаринді қабылдады
- Непал мен Қытай шекарасындағы алапат су тасқынынан кейін хабар-ошарсыз кеткендер саны күрт өсті
- Иран президенті ШЫҰ саммитіне қатысу үшін Қырғызстанға ұшып кетті
- Қазақстан С-300 зениттік-зымыран кешенін сынақтан өткізді
- Ләззат Танысбай «Хабар» агенттігінің басқарма төрағасы болып тағайындалды
- Бектенов премьер-министр болып қайта тағайындалғаннан кейін Құрылтайда ант берді
- Ерлан Қарин Қазақстанның вице-президенті болды
- Мектептер полицияның бақылауына алынды: 283 мың камера жұмыс істеп тұр
- Олжас Бектенов ҚР премьер-министрі қызметіне ұсынылды
- Қасым-Жомарт Тоқаев вице-президент қызметіне Ерлан Қариннің кандидатурасын ұсынды
- Кипр маңында 267 адам мінген кеме аударылып, жеті адам қаза тапты
- Непалда жүздеген танылмай қалған мәйіт жаппай жерленіп жатыр
- Аризонадағы Үлкен шатқалда су тасқынынан кейін 20 адам хабар-ошарсыз кетті
- Ақтауда адам мінген катер жартасқа соғылып, екі адам қаза тапты
- АҚШ пен Иран соққы алмасты: Не болды?
- Исландия Еуроодаққа кіруден бас тартты. Ең басты себеп — балық
