Ақтөбеде мұғалім әйел алаяқтық күдігімен ұсталды

Қосшы тұрғындарын алдап кеткен әйел Ақтөбедегі мектептердің бірінде мұғалім болып жұмыс істеген, деп хабарлайды Orda.kz.

Ол, полиция мәліметінше, Қосшының екі тұрғынынан пәтер алып беруге көмектесуге уәде беріп, 14 млн және 8 млн теңгесін алып, кейін бой тасалаған. 

Шілдеде оған іздеу жарияланған. Полицейлер күдіктінің Ақтөбеде жүргенін анықтап, оны ұстап, уақытша ұстау изоляторына қамады. Сондай-ақ ұсталғанға дейін әйелдің Ақтөбедегі мектептердің бірінде мұғалім болып жұмыс істегені белгілі болды. 

Полицейлер оның жұмысқа қалай орналасқанын және жұмысқа қабылдау кезінде ұсынған құжаттарының түпнұсқасын тексеріп жатыр.

Оқи отырыңыз:

• Жалға пәтер беремін деп 20 адамды тақырға отырғызған алаяқ ұсталды
• Елімізде онлайн несиеге тыйым салына ма?