Ақтөбеде қызғалдақ жұлынған далада «көшпелі» сот өтеді

Ақтөбеде қызғалдақпен суретке түсіп, басы дауға қалған әкімнің ісіне әлі нақты шешім шықпады. Ботаникалық сараптама суреттен қызғалдақтың сирек кездесетін түрі не басқа екенін анықтай алған жоқ. Келесі сот отырысы қызғалдақ өскен далада болады, деп хабарлайды Orda.kz. 

Ақтөбе сотында қызғалдақпен түскен суретін әлеуметтік желісіне салған Жұбанов ауылдық округінің әкімі Ләззат Бердібаеваға қатысты әкімшілік іс қаралып жатыр. 

Іс Ақтөбе облысы кәмелетке толмағандар істері жөніндегі мамандандырылған ауданаралық сотқа түсті. Ауыл әкімі ҚР Әкімшілік заң бұзушылық істелді деп айыпталды. Кәмелет кодексінің 127-бабы 1-бөлігі бойынша, «кәмелеттік жасқа толмаған адамды тәрбиелеу және оған білім беру, оның құқықтарын және мүдделерін қорғау жөніндегі міндеттерді, қауіпсіздігін қамтамасыз ету жөніндегі шараларды орындамау», яғни бала тәрбиесін атқармады деп кінә тағылды. 

Судья Айпатша Мусина бүгін әкімшілік іс бойынша ботаникалық сараптама қорытындысын жариялады.

Еске салайық, осыған дейін қызғалдақпен суретке түскен Жұбанов ауылдық округінің әкімі Ләззат Бердібаева желіге фото жариялады. Оған қатысты 2025 жылдың 25 сәуірінде полиция  ӘҚБтК-тің 127-бабы 1-бөлігімен іс қозғады, әкімшілік хаттама толтырды. 

Балаға тәрбие беру міндетін дұрыс атқармауға қатысты айыпты Бердібаева мойындаған жоқ. 

Кейін сот қызғалдақтардың түрін анықтау үшін арнаулы сараптама тағайындауды ұйғарды. Ботаникалық сараптама суретке қарап, нақты шешім айта алмады. Сол себепті судья сот отырысын далада өткізу туралы шешім қабылдады.

Айта кетейік, осыған дейін полиция «Қызыл кітапқа» енген қызғалдақты жұлуға қатысты заттай айғақтардың болмауына байланысты қылмыстық іс қозғалмайтыны туралы айтқан еді. Бүгінгі сотта полицияның оқиға болған жерде анықтау жұмыстарын жүргізбегені белгілі болды.
Айта кетейік, Ақтөбеде жұлынған қызғалдақпен суретке түскен ауыл әкімі алдынғы өткен сот отырысында жылап жіберген еді. 

Автор: Ардақ Ерубаева