Ақтөбеде ер адам өз үйіне түскен ұрыны өзі ұстап алды

30 наурыз күні таңертең Ақтөбе қаласының Оңтүстік-Батыс ауданында 2 жеке үйге ұрлыққа түскен жас жігіт ұсталды, деп хабарлайды Orda.kz. 

Полиция мәліметінше, әуелі күдікті бірінші үйге кіріп, ішінде ақшасы бар барсетканы, сондай-ақ Kia Sportage автокөлігінің кілтін ұрлаған. Ұры алған затына «көңілі толмай», келесі үйге де баса көктеп кіреді. Ол көрші үйдің гаражынан құны 150 мың теңге болатын дәнекерлеу аппаратын қолды қылады. 

Осы сәтте Kia Sportage көлігінің иесі қаскөйді байқап, оны өз-ақ ұстап алады. Кейін дереу полиция шақырған.

Күдікті уақытша ұстау изоляторына қамалды. Сотқа дейінгі тергеу барысында ол өз кінәсін мойындады. 

Оқи отырыңыз: 

• Қазақстанда алғаш рет жасөспірімге жүрек трансплантациясы жасалды
• Боқаевтың жақтастары оған қатысты істі тікелей эфирде ашық түрде қарауды талап етті
• Сағын сындыру үшін жасалған әрекет: Заңгер Әділетхан Молдаханның інісі мәлімдеме жасады