Ақтөбеде аурухана қызметшілеріне тас төсеткізіп қойды

Ақтөбеде ауруханадағы еден жуатын жұмысшыларға қара жұмыс істетіп қойған. Дәлірек айтсақ, олар тас төсеу жұмыстарын істеген, деп хабарлайды Orda.kz.

Бейне авторының сөзінше бұл Ақтөбедегі неврология ғимараты. Ал олардың бастығы әйелдерге жұмыс істетіп қойып, өзі қарап тұр.

«Мына әйелдер — аурухана қызметкерлері. Іште істейтін жұмыскерлерді сыртқа шығарып, оларды тас төсетуге мәжбүрлеп жатыр. Қастарында бастығы жүр. Бұл дұрыс емес, брусчатка төсеу, тас жару — құрылысшылардың жұмысы. Бұл не деген масқара?», — деді бейнені түсіріп тұрған адам.

Сөз соңында автор бастықтан осы туралы сұрағанда, оған «шаруаң болмасын» деп жауап қайтарғанын тілге тиек етті.

Еске сала кетейік, Талдықорғанда 16 жасар Шерзаттың өліміне қатысты сотта әуелі Шерзаттың әжесі Жұмабике Қадырова жауап берді. Ал анасы Гүлбара куәгер болып жазадан құтылған екі қыздың өзіне тас атқанын және бұзақылардың бірінің қолынан мылтық көргенін баяндап бергені туралы жазған болатынбыз.