Ақтөбеде 64 жастағы ер адам 14 жастағы қызды жүкті қылды: Өңір басшысы не деді?

Актөбе облысының әкімі Асхат Шахаров 64 жастағы өгей атасынан балалы болған тоғызыншы сынып оқушысына қатысты өңір әкімдігі қандай шаралар қабылдағанын айтты, деп хабарлайды Orda.kz. 

Актөбе облысының әкімі брифингте журналистерге медициналық тексерулер кезінде дәрігерлер жүктілігін анықтай алмаған, босанған мектеп оқушысына қатысты жағдайды түсіндірді. Айта кетейік, қыздың жүктілігін не мұғалімдер, не дәрігерлер байқамаған.

«Күдіктіге қатысты қылмыстық іс қозғалды. Тергеу тобы сараптамалар жүргізіп жатыр. Біздің тарапымыздан да бұл жағдай назардан тыс қалмады. Комиссия құрдық. Оның жұмыс қорытындысы бойынша тексерулер жүргізіп, мектеп оқушысының жағдайын ертерек анықтауға тиіс мамандарды қызметінен шеттету туралы шешім қабылданды. Аудандық білім бөлімінен бастап бірқатар қызметкерлер жазаланды. Олар өз лауазымдарынан босатылды», – деді Асхат Шахаров.

Еске сала кетейік, 13 қазанда Ақтөбе облысының Ырғыз ауданы 14 жастағы мектеп оқушысы ішінің ауырғанын дәрігерлерге айтқан. Медициналық қызметкерлер қыздың толғатқанын байқап, жағасын ұстаған. Бұған дейін ол үш рет медициналық тексеруден өткен, алайда жүктілігі байқалмапты.

Тергеушілер баланың әкесі – қыздың әжесімен бірге тұратын 64 жастағы азамат, яғни мектеп оқушысының өгей атасы екенін анықтады.