Ақтауда жалаңаш ер адам 11-ші қабаттан құлап көз жұмды

20 шілде күні таңғы сағат 11 шамасында Ақтауда қайғылы оқиға болды. Жалаңаш ер адамды 11 қабатты үйдің шатырында тұрғанын көрген көршілері полицияға хабарлаған, деп жазады Orda.kz.

Құтқарушылар арнайы кран арқылы оны түсіруге әрекеттенген, бірақ олар үлгермей қалды — ер адам белгісіз бағытқа қарай секіріп кеткен.

Биіктіктен құлаған ер адам оқиға орнында қаза тапты.

Полиция бұл оқиғаға қатысты Қылмыстық кодекстің 105-бабы бойынша (өзіне-өзі қол жұмсауға итермелеу) іс қозғады. Қалған мән-жайлар әзірге жарияланған жоқ.

Айта кетейік, сәуір айында Алматыда да осындай жағдай орын алған — қыз бала көпқабатты үйдің балконынан құлап, көз жұмған.

Кеше ғана Астанада жел мұнаралық кранды құлатып,  бір адам қаза болды.  Биылғы сәуір айында Павлодарда бала бесінші қабаттағы терезеден құлап кетті.