Астанада жел мұнаралық кранды құлатты: қаза болған адам бар

Апат BI Group тұрғызып жатқан ABYROI ТК құрылыс алаңында болды, деп хабарлайды Orda.kz.

Мұнаралық кранның құлауы және жұмысшының қаза болғаны туралы блогер Данияр Қапаров хабарлады. Оның жарияланымына берілген түсініктемеде Алматы полиция департаменті оқиға фактісін растады.

«18 шілде күні сағат 20: 00-де құрылыс нысанындағы жұмыс барысында құрылыс краны құлаған. Оқиға болған кезде кабинаның ішінде адам болған, ол алған жарақатынан сол жерде қайтыс болды» деп түсіндірді ПД. 

Жұмысшының қаза болу фактісіе қатысты полиция тергеу жұмысын бастады. Құрылыс жұмыстарын жүргізу кезінде қауіпсіздік ережелерін бұзу фактісі бойынша қылмыстық іс қозғалды.

Оқиғаға BI Group өкілдері де түсінік берді.

«Бүгін сағат 20:07-де  «Абырой» ТК құрылыс алаңында қайғылы оқиға болды - қатты жел салдарынан мұнара краны аударылды. Өкінішке қарай, кранның құлауы салдарынан бір адам қаза тапты. Шұғыл қызметтерден дауылды ескерту оқиғадан кейін келіп түсті»  деп жазылған құрылыс салушының түсініктемесінде. 

Сонымен қатар, компания өкілдерінің айтуынша, кран жарамды күйде болған және таңертең барлық қажетті тексерулерден өтті.

Осылайша, түсініктемеде қаза болған жұмысшының мердігер ұйымның қызметкері болғаны айтылған. Бірақ BI Group оған жан-жақты қолдау көрсететінін мәлімдеді.

Биылғы 3 маусымда Алматыда құрылыс жұмыстары жүріп жатқан алаңда кран құлап, бір жұмысшы қаза тапқан болатын.