АҚШ, Украина және ЕО елдері Трамп пен Путин саммиті алдында кездесу өткізеді

Алдағы демалыс күндері Ұлыбританияда АҚШ, Украина және бірқатар Еуропа елдерінің өкілдері кездесуді жоспарлап отыр. Бұл басқосу 15 тамызда Аляскада өтетін Дональд Трамп пен Владимир Путиннің саммиті алдындағы ұстанымды үйлестіруге бағытталған, деп хабарлайды Orda.kz порталы Deutsche Welle сілтеме жасап.

Киев пен оның одақтастары Трамптың Украина мен НАТО-ның бір бөлігінің мүдделерін ескермей, Путиннің шарттарына келісіп қалуы мүмкін деп қауіптенеді.

Axios басылымының хабарлауынша, Трамптың кеңесшісі Уиткоффтың Путинмен кездесуі барысында  Мәскеу соғысты тоқтатады, ал Батыс Луганск, Донецк және Қырымды Ресей құрамында таниды дегендей ұсыныс айтылған. 

Кейбір нұсқаларда бұл Ресейдің Херсон және Запорожье облыстарына деген наразылықтарынан бас тартуын қамтыйды, бірақ майданды «тоқтату» туралы шарт бар, бұл Запорожье АЭС аймағын Ресей бақылауында қалдырады.

Сонымен қатар, CBS News АҚШ Ақ үйіндегі жоғары лауазымды шенеунікке сілтеме жасап, Аляскадағы  саммитке Украина президенті Владимир Зеленский де қатысуы мүмкін екенін жазды.

15 тамызда Трамп пен Путиннің Аляскада кездесетінін АҚШ президенті Дональд Трамп өзі Truth Social әлеуметтік желісіндегі парақшасында жариялады. Бұл ақпаратты Кремль де ресми түрде растады.

Атырау қаласының № 2 соты жергілікті тұрғынды ҚР ҚК-нің 172-бабы «Шет мемлекет аумағындағы қарулы қақтығыстарға қатысу» бойынша бес жылға бас бостандығынан айырды.