АҚШ-та Трамптың бейнесі бар паспорт шығады

АҚШ мемлекеттік департаменті ел тәуелсіздігінің 250 жылдығына орай америкалық паспорттардың шектеулі сериясы шығатынын растады, деп хабарлайды Orda.kz Fox News-ке сілтеме жасап.

Ведомствоның мәліметінше, жаңа паспорт мұқабасының ішкі бетінде президент Трамптың бейнесі Тәуелсіздік декларациясының мәтіні және АҚШ туы болады. Ал басқа бір бетінде Тәуелсіздік декларациясына қол қою сәтін бейнелейтін әйгілі картина ұсынылады.

Паспорттың сыртқы мұқабасының артқы бетінде «250» саны бейнеленген АҚШ туы болады.

Бұл паспорттарды осы жазда шығару жоспарланып отыр. Олар «America 250» аясындағы ауқымды мерекелік іс-шаралардың бір бөлігі. Сонымен қатар, бағдарламаға тамыз айында Ұлттық аллеяда өтетін Гран-при жарысы және маусымда Ақ үйдің оңтүстік алаңында ұйымдастырылатын UFC жекпе-жегі де кіреді.

Оқи отырыңыз:

• Астанада мәслихат шешімі күшіне еніп, көліктерді ақылы эвкуациялау басталды
• Желіде домбыраны «харам» деген ер адамға қылмыстық іс қозғалды
• Министр тарап кеткен жеке деректерге қатысты пікір білдірді