АҚШ-та Қазақстан азаматы терроризм күдігімен ұсталды

АҚШ-тың Иммиграциялық және кедендік бақылау қызметі (ICE) Қазақстан азаматы Еламан Балтагерейді ұстады, деп хабарлайды Orda.kz.

Бұл туралы ведомствоның ресми хабарламасында айтылды. ICE мәліметінше, өткен жылы иммиграциялық сот Балтагерейді елден депортациялау туралы шешім шығарған. Алайда ол сот тыңдауына келмеген.

«Еламан Балтагерей терроризмге күдікті тұлға ретінде ұсталды және оған қатысты депортациялау туралы түпкілікті шешім қабылданған. Ол елден шығару рәсімдері ұйымдастырылғанға дейін ICE қамауында болады» деп жазылған хабарламада. 

Қазіргі уақытта АҚШ билігі Қазақстан азаматын депортациялау бойынша қажетті рәсімдерді жүргізіп жатыр.

Әзірге америкалық тарап Балтагерейге қатысты терроризм күдігі қандай фактілерге негізделгенін нақтылаған жоқ. Сондай-ақ оған қандай айыптар тағылғаны туралы қосымша ақпарат жарияланбады.

Оқи отырыңыз: 

• G7 құрамындағы елдер Ресейге қарсы санкцияларды күшейтіп, Украинаға көмекті арттырмақшы
• Мемлекет басшысы Қауіпсіздік Кеңесі отырысын өткізді