АҚШ пен Израиль Иранның басты мұнай аралын атқылады

АҚШ пен Израиль Иранның мұнай экспорты негізгі тораптарының бірі саналатын басты мұнай аралын атқылады, деп хабарлайды Orda.kz.

Харг аралына шабуыл жасалғаны туралы ирандық Mehr агенттігі хабарлады.

Агенттік мәліметінше, Парсы шығанағында орналасқан Харг аралы Иран мұнайының басым бөлігі экспортталатын стратегиялық нысан саналады. Шабуылдың салдары мен келтірілген шығын туралы нақты ақпарат әзірге жарияланған жоқ.

Ресми Иран билігі бұл ақпаратқа қатысты толыққанды түсініктеме бермеді. Сондай-ақ АҚШ пен Израиль тарапынан да әзірге ресми мәлімдеме жасалған жоқ.

Харг аралы — Иранның мұнай экспортындағы ең маңызды инфрақұрылымдық нүктелердің бірі. Сондықтан мұндай шабуыл туралы ақпарат расталса, бұл аймақтағы жағдайдың күрт ушықтыруы мүмкін.

Orda.kz редакциясы жағдайдың дамуын бақылап отыр.

Оқи отырыңыз:

• Мұхамеджан Тазабек: Атамның қамшысы бар еді, кемпірін сабайтын деген заман өтіп кетті
• Стамбұлда Израиль консулдығы маңында атыс болды: Қаза тапқандар бар