Стамбұлда Израиль консулдығы маңында атыс болды: Қаза тапқандар бар

Стамбұлдың Бешикташ ауданында Израиль консулдығы маңында болған атыстан 2 адам қаза тапты, деп хабарлайды Orda.kz Reuters агенттігіне сілтеме жасап. 

Атыс кезінде 2 полиция қызметкері жараланғаны белгілі болды. 

Белгісіз адамдар ғимарат маңында атыс ұйымдастырған. Алғашында БАҚ полицияға сілтеме жасап, тәртіп сақшылары үш шабуылдаушыны жойғанын, бір полицейдің жараланғанын хабарлаған еді. Кейінірек мәлімет нақтыланып, екі полиция қызметкерінің жараланғаны, ал шабуыл жасаған екі адамның көз жұмғаны белгілі болды.

Reuters  мәліметінше, Израиль консулдығы орналасқан ауданды әдетте қарулы полиция бақылауда ұстайды. Түркияның әділет министрі бұл оқиға бойынша тергеу жүргізілетінін мәлімдеді.

Дереккөздердің айтуынша, қазіргі уақытта Түркия аумағында Израиль дипломаттары жоқ көрінеді.

Оқи отырыңыз:

• Израиль Ирандағы соғыста үнсіз қалды ма? Таяу Шығыстағы жағдайға шолу
• Израильде терроризм үшін сотталғандарға өлім жазасын кесетін заң қабылданды
• Израильде өлім жазасы неге бәріне бірдей жүрмейді? Заңға шолу және халықаралық реакция