Ақмолада сәбиін енді ғана дүниеге әкелген ана өз-өзіне қол жұмсады

Ақмола облысы Бұланды ауданына қарасты ауылдардың бірінде жас ана өз-өзіне қол жұмсады, деп хабарлайды Orda.kz.

Марқұм жақында ғана босанған. Полицияның хабарлауынша, әйел үйде жалғыз қалған сәтін пайдаланып, ауладағы шаруашылық құрылыстарының бірінде өзіне қол салған. Оның денесін алғаш болып туыстары тауып алған.

Қазір бұл жағдай бойынша Қылмыстық кодекстің 105-бабы («Өзін-өзі өлтіруге итермелеу») бойынша іс қозғалды. Тергеушілер әйелдің мұндай қадамға баруына босанғаннан кейінгі күйзеліс себеп болды ма, әлде басқа психологиялық немесе әлеуметтік факторлар әсер етті ме — соны анықтап жатыр.

Көршілер мен таныстарының айтуынша, марқұм тұрған үйді  ауылдастары тұрмысы түзу, ашық-жарқын отбасы ретінде білетін.

Бұған дейін, сәуір айында, Ақтөбе облысы Шалқар ауданына қарасты Қаратоғай ауылында 25 жастағы мектеп мұғалімі де өз-өзіне қол жұмсағаны мәлім болды.