Ақмола облысының тас жолында фура жол жиегінде тұрған көлікке соқтығысты

Астана – Көкшетау айналма тас жолында фура жол жиегінде жұмыс істеп жатқан тиегішпен соқтығысты, деп хабарлайды Orda.kz.

ҚазАвтоЖолдың мәліметінше, «Volvo» маркалы жүк көлігінің жүргізушісі Астана қаласы бағытында келе жатып, жылдамдық пен арақашықтықты сақтамай, жол жиегінде жұмыс істеп тұрған «КАЖсервис» ЖШС-нің тиегішімен соқтығысқан. 

«Жол-көлік оқиғасы салдарынан тиегіш жүргізушісі зардап шегіп, жедел жәрдем қызметі арқылы ауруханаға жеткізілді. Жол қызметкерлері күн сайын автожолдарда қауіпсіз әрі үздіксіз қозғалысты қамтамасыз ету үшін маңызды жұмыс атқарады», деп жазды ҚазАвтоЖол. 

Сондай-ақ ҚазАвтоЖол компаниясының ақпаратынша, 2025–2026 жылдары қыс кезінде жол-құрылыс техникасы қатысуымен 22 жол-көлік оқиғасы тіркеліп, олардың барлығында көлік жүргізушілері кінәлі деп танылған. Сонымен қатар, 2025 жылы 6 жазатайым оқиға  болып, оның 5-і жол-көлік оқиғасы болса, салдарынан 2 жол қызметкері қаза тауып, тағы 3 адам түрлі деңгейдегі жарақат алғаны айтылды.

Компания жүргізушілерден алдағы уақытта жол жөндеу жұмыстары жүргізіліп жатқан учаскелерге жақындағанда барынша мұқият болуға, жылдамдықты алдын ала төмендетуге және қауіпсіз арақашықтықты қатаң сақтауды сұрады.

Оқи отырыңыз:

• Әл-Фараби даңғылында болған жол апатына кінәлі 10 жылға сотталуы мүмкін
• Енді атыраулықтар Ташкентке тікелей ұша алады
• Өскеменде полиция қызметкерін атып кеткен күдіктілер ұсталды