Ақмола облысында күйеуін өлтірген әйел жазадан босатылды

Ақмола облысында 63 жастағы әйел жұбайына пышақ жарақатын салды, ол ауруханада қайтыс болды, деп хабарлайды Orda.kz. 

Сот отырысында әйел күйеуінің жұмысына бармай, карта ойнап, ішімдік ішетінін естіп, ашуланғанын айтты. Күйеуі оның бетінен ұрған кезде әйел қолындағы пышақты алып, күйеуіне бірнеше рет пышақты сұғып алған. Кейін әйел дереу жедел жәрдем шақырған, бірақ ер адам ауруханада көз жұмды.

Жергілікті сот бұл оқиғаны аффект жағдайында жасалған кісі өлтіру деп танып, әйелді кінәлі деп санады.

Сот үкімі бойынша оның 63 жаста екені және қайтыс болғаг күйеуінің жақындарының материалдық немесе моральдық талап арыздарының болмауы жеңілдететін жағдай ретінде ескерілді. Әйелге бір жылға бас бостандығынан айыру жазасы тағайындалғанымен, Қазақстан Конституциясының 30 жылдығына арналған амнистия заңына сәйкес ол жазадан босатылды.

Еске сала кетейік, Ақтөбе облысында Ырғыз аудандық жер қатынастары бөлімінің басшысы Медет Бердалин пара алғаны үшін кінәлі деп танылды.