Ақ үй ресми түрде Трампты бейбітшілік бойынша Нобель сыйлығына ұсынды

Ақ үйдің мәліметіне қарасақ, 7 ел Дональд Трамптың кандидатурасын қолдаған, деп хабарлайды Orda.kz.

Трамптың кандидатурасын қолдаған елдер: Әзірбайжан президенті Ильхам Әлиев, Армения премьер-министрі Никол Пашинян, Камбоджа премьер-министрі Хун Сен, Габон президенті Брайс Олиги Нгема, Израиль премьер-министрі Биньямин Нетаньяху, Пәкістан үкіметі және Руанда СІМ басшысы Оливье Ндухунгирехе.

«Президент Дональд Трамп әлем президенті болады» деп жазылған хабарламада. 

Ал Ресей Федерациясының депутаты Генадий Зюганов Трампты әлемдік Нобель сыйлығына ұсынудың еш қажеті жоқ екенін айтты.

Бұған дейін Украина Жоғарғы Радасының сыртқы саясат және парламентаралық ынтымақтастық жөніндегі комитетінің басшысы Александр Мережко бейбітшілік саласындағы Нобель сыйлығына Трампты ұсыну бастамасын қайтарып алу туралы шешім қабылдады. Өйткені оның пікірінше, америкалық көшбасшы «Киевті қолдау» мәселесін шеше алмады.

Еске сала кетейік, Украина президенті Ресеймен бейбітшілік орнату мақсатында кейбір аумақтарды беру мәселесін талқылауға әзір екенін айтты.