Ақ үй маңындағы атыс - АҚШ құпия қызметі кімді жаралады

9 наурызға қараған түні Вашингтондағы Ақ үй маңында атыс болды, деп хабарлайды Orda.kz.

Президенттің қауіпсіздігін қамтамасыз ететін Құпиялық қызмет қызметкерлері атыс қаруын сілтеп тұрған адамды жаралады. Бұл туралы департамент таратқан хабарламада айтылған.

Бұған дейін жергілікті полицияға «Индианадан Вашингтонға баруы мүмкін суицидке бейім адам» туралы хабарлама түскен.

Кейінірек агенттер сипаттамаға сәйкес келетін өтіп бара жатқан адамды байқайды. Тәртіп сақшылары күдіктінің қасына келгенде, ол қару шығарған. Осы кезде атыс басталды.

Ер адам қазір ауруханада жатыр, оның жағдайы белгісіз. Президент бұл уақытта Ақ үйде болмаған; ол демалыс күндерін Флоридадағы резиденциясында өткізген.

Былтырғы шілдеде Дональд Трамп Пенсильванияда сайлауалды науқанында сөйлеп тұрған кезінде оған оқ атылып, АҚШ президенттігіне үміткер болып жүрген  Трамп құлағынан жарақат алған болатын.

Сол кезде Қазақстан президенті Қасым-Жомарт Тоқаев АҚШ-тың бұрынғы президенті Дональд Трамптың өміріне жасалған қастандықты қатаң айыптады.