Тоқаев Дональд Трампқа жасалған қастандық әрекетті қатаң айыптады

Қазақстан президенті Қасым-Жомарт Тоқаев АҚШ-тың бұрынғы президенті Дональд Трамптың өміріне жасалған қастандықты қатаң айыптады, деп хабарлайды Ақорданың баспасөз қызметі.

«Мемлекет басшысы Қасым-Жомарт Тоқаев АҚШ-тың бұрынғы президенті Дональд Трамптың өміріне жасалған қастандықты қатаң айыптап, оның тезірек сауығып кетуін тіледі» делінген хабарламада.

Дональд Трамп Пенсильванияда сайлау науқаны кезінде сөйлеген кезде атыс естілді. Болжам бойынша снайпер атқан. Күзетшілер дереу Трампқа жүгірді. Видеода Трамптың оң құлағының қанға боялғанын көруге болады.

Би-би-си хабарлауынша, оқ атқан адам қаза тапты, шеруlе кем дегенде бір қатысушы  қаза тапты, тағы бір көрермен жараланды, оның жағдайы ауыр.

«Маған оқ тиді, ол оң құлағымның жоғарғы бөлігін тесіп өтті. Мен бірдеңенің дұрыс емес екенін бірден түсіндім, ысқырықты естідім, оқ атылды және оқтың теріні жыртып кеткенін бірден сездім. Қатты қан кете бастады, сондықтан мен не болып жатқанын түсіндім», - деді Трамп оқиғадан кейін. 

Естеріңізге салсақ, АҚШ-та президент сайлауы қараша айында өтеді.