«Әйелін тірідей өртеген»: Сот Ресей азаматын елден шығармаған подполковникті кінәлі деп таныды

Алматыда Ресей азаматының бұрынғы әйелі Индира Тергеубаеваны дүкенімен қоса өртеп жіберген қылмыс бойынша сот отырысы аяқталды. 13 сәуірде Алматы аудандық сотында көші-қон подполковнигі Данияр Әденовке қатысты сот шешімі шықты, деп хабарлайды Orda.kz.

Еске салар болсақ, Индираның күйеуі шетел азаматы.

Жәбірленушінің айтуынша, Жоғарғы сот оны депортациялау туралы үкім шығарған. Алайда бір жарым жыл бойы көші-қон полициясы оны Қазақстаннан шығармаған.

«Жоғарғы соттың депортациялау туралы шешімі болса да, көші-қон полициясы ол адамды Қазақстаннан шығармады. Ол мені өлтіремін деп үнемі қорқытатын, ылғи полицияға барып шағымданатынмын. Ақыры 40 литр бензин әкеліп, дүкенмен қоса мені өртеп жіберді», – дейді жәбірленуші Индира.

Әденов Жоғарғы соттың шешімімен Индираның экс-күйеуін депортациялау керек еді. Алайда оның салғырттығынан қылмыс болды. Ресей азаматы өрт кезінде тірідей жанып кетті, ал Индира Әденовті сотқа беріп, жеңіл жаза сұраған прокурордың шешіміне қарсы шықты.

Данияр Әденовке прокурор оқиғаның 4 жыл бұрын болғанын айтып, тек кеткен шығындарды өтеуді және істі тоқтатуды сұраған болатын. Жәбірленуші мен қорғаушылар прокурордың бұл қылығына наразы болды.

13 сәуірде Алматы аудандық сотында көші-қон подполковнигі Данияр Әденовке қатысты сот шешімі шықты. 

Шығын жағына келсек, судья 1 млн ғана төлеуге шешім шығарды, қалғанын азаматтық сот ісін жүргізуге жібереміз деді. 

Ал басшы мен қызметкерлерге қатысты судья екі арнайы ұйғарым шығарды.

Ал шешімдерді ауызша жариялады. Яғни, қатысушыларға үкім әлі дайын емес.

Еске сала кетсек, Orda.kz Алматыда Ресей азаматының бұрынғы әйелі Индира Тергеубаеваны дүкенімен қоса өртеп жібергені және оқиға орнында өзінің қайтыс болғаны жайлы жазған болатын. Ресей азаматын депортацияламаған подполковникті Тергеубаева сотқа берген еді.