Аяғынан айырылды: Астана-Павлодар тасжолында жантүршігерлік жол апатынан үш жолаушы зардап шекті

Астана-Павлодар тасжолында жантүршігерлік жол апатынан үш жолаушы зардап шекті, деп хабарлайды Orda.kz.

Оқиға 29 мамырда сағат 21:00 шамасында болған. Полиция мәліметінше, Hyundai Tucson жүргізушісі қоршауға соғылған. Зардап шеккен үш жолаушы сағат 23:55-те Екібастұз қалалық ауруханасына жеткізілген.

«2005 жылы туған ер адамға сол жақ төменгі аяқтың аса ауыр зақымдалуына байланысты ампутация жасалды. Республикалық үйлестіру орталығы мамандарының қатысқан консилиум ұйымдастырылды. Бүгінгі таңда емделушінің жағдайы аса ауыр деп бағаланып отыр», - деді облыстық денсаулық сақтау басқармасы.

Тағы екі жолаушы түрлі жарақаттармен травматология бөліміне жатқызылған.

Оқи отырыңыз:

• «Әділет» партиясы Әділет министрлігінде ресми тіркелді
• Әл-Фарабидегі апат: Марқұмдардың туыстары Пакты кешіріп, бас бостандығынан айырмауды өтінді