Әділетхан Молдахан 2 айға қамауға алынды

Заңгер Әділетхан Молдахан 2 айға қамауға алынды, деп хабарлайды Orda.kz.

Бұл туралы заңгер Дәулетхан Ахметов өзінің әлеуметтік желідегі парақшасында жариялады. Алматыдағы резонанс тудырған жол-көлік апаты бойынша өз пікірін білдірген Әділетхан Молдахан ұсталып, 10 күн қамалған еді. Бүгін заңгер бостандыққа шығуы керек болған, алайда сот оны 2 айға созды.

«Молдахан Әділетхан інімнің қамалуы 2 айға не үшін созылды? Әділетті Қазақстанда әділдік қайда? Бостандықты талап етемін» деп жазды заңгер. 

Полиция Департаменті бұл ақпаратты растады. Олардың айтуынша, қазіргі уақытта істің барлық мән-жайын жан-жақты, толық және объективті анықтауға бағытталған қажетті тергеу әрекеттері жүргізіліп жатыр.

«Сотқа дейінгі тергеп-тексеру аясында сот екі ай мерзімге қамауда ұстау түріндегі бұлтартпау шарасын санкциялады. Қазіргі уақытта істің барлық мән-жайын жан-жақты, толық және объективті анықтауға бағытталған қажетті тергеу әрекеттері жүргізіліп жатыр. Полиция жалған ақпарат тарату заңмен белгіленген жауапкершілікке әкеп соғатынын еске салады», деп жауап берді Полиция Департаменті. 

Айта кетейік, 21 наурызда Алматы қаласының әл-Фараби даңғылында жаға ұстатар көлік апаты болған еді. Mercedes пен Zeekr көліктері соқтығысты. Осы оқиғадан кейін Ішкі істер министрі департаменттегі біраз адамдарды орнынан босатты.

Оқиғадан кейінгі тергеу барысында бірқатар маңызды шешімдер қабылданды. Ішкі істер министрі Ержан Сәденов әлеуметтік желіде жариялаған мәлімдемесінде марқұм болғандардың отбасына қайғыра көңіл айта отырып, бірнеше полиция басшысы қызметінен босатылғанын хабарлаған болатын.

Оқи отырыңыз:

• Коуч пен психологтардың құқықтық мәртебесі заңмен айқындалмақ
• Сағатына 100 мың жалған хабарлама: Құпия деректер мен банктегі қаражатты қолды қылатын алаяқтардың жолы кесілді
• Ақтөбе облысы әкімдігінің ғимараты өртке оранды