ӘЧ-2026: Роналду Испаниядан жеңілгеннен кейін еңкілдеп тұрып жылады

Португалия құрамасының шабуылшысы Криштиану Роналду 2026 жылғы әлем чемпионатының 1/8 финалында Испания құрамасынан жеңілгеннен кейін көз жасын ұстай алмай, еңкілдеп тұырп жылады деп хабарлайды Orda.kz.       

Matchtv мәліметінше, кездесу Даллас қаласында өтіп, португалиялықтардың 0:1 есебімен жеңілісімен аяқталды. Криштиану Роналду матч бойы алаңда толық ойнады. 2026 жылғы әлем чемпионатында Роналду үш гол соқты – екеуі топтық кезеңде, біреуі плей-оффта.

Ол алты әлем чемпионатына қатысқан алғашқы футболшы атанды. Оның ең жоғары жетістігі – 2006 жылы төртінші орын.

Ал Испания құрамасы әлем чемпионаттары тарихында қатарынан алты матч бойы бірде-бір гол жібермеген алғашқы команда болды.

Бұл кездесудегі жалғыз голды Микель Мерино 90+1-минутта соқты. 1/4 финалда Испания құрамасы АҚШ пен Бельгия арасындағы матчтың жеңімпазымен кездеседі.

2026 жылғы әлем чемпионаты 11 маусым мен 19 шілде аралығында АҚШ, Канада және Мексика елдерінде өтіп жатыр.

Біз бұған дейін  Месси, Мбаппе және Роналду плей-офф кезеңінде бақ сынайтын шешуші кезең басталғанын жаздық. 

Оқи отырыңыз:

• ӘЧ-2026: Месси, Мбаппе және Роналду плей-офф кезеңінде бақ сынайды, шешуші кезең басталды
• Криштиану Роналду Сауд Арабиясының «Әл-Наср» клубына жеңіс сыйлады