ӘЧ-2026: Месси жаңа рекорд орнатты
Фото: AFASeleccionEN
Месси жаңа рекорд орнатып, Аргентина құрамасына 2026 жылғы әлем чемпионатында Иорданияны жеңуге көмектесті, деп хабарлайды Orda.kz.
Футболдан Аргентина ұлттық құрамасы АҚШ, Канада және Мексикада өтіп жатқан 2026 жылғы әлем чемпионатында Иорданияны жеңді.
J тобының үшінші, соңғы тур ойыны АҚШ-тың Техас штатындағы Арлингтон қаласындағы «AT&T Stadium» стадионында өтті. Аргентина құрамасы 3:1 есебімен жеңіске жетті.
Жеңімпаздар сапында жартылай қорғаушы Джовани Ло Чельсо (19-минут) мен шабуылшы Лионель Месси (80-минут) айып соққыларынан тікелей гол соқты. Ал 31-минутта Лаутаро Мартинес пенальтиді сәтті орындады.
Иордания құрамасының жалғыз голын 55-минутта шабуылшы Мусса Аль-Тамари соқты. Оған қорғаушы Эхсан Хаддад нәтижелі пас берді.
Месси әлем чемпионаттарындағы гол саны бойынша өз рекордын жаңартып, 19 голға жетті. Осы турнирде оның еншісінде алты гол бар. 39 жастағы шабуылшы сұрмергендер жарысында көш бастап тұр.
Сондай-ақ Месси футбол тарихында әлем чемпионатының қатарынан жеті матчында гол соққан алғашқы ойыншы атанды. Бұл серия 2022 жылғы Катардағы мундиальда басталған. Бұдан бөлек, аргентиналық ойыншы әлем чемпионаттарындағы матч саны бойынша да рекордын жаңартып, 29 ойынға жетті. Жалпы, ол ұлттық құрама сапында 202-ші ойынын өткізді. Бұл көрсеткіш бойынша тек португалиялық Криштиану Роналду (231 матч) ғана алда.
Аргентина құрамасы топтық кезеңдегі үш ойында да жеңіске жетіп, 9 ұпай жинады. Әлем чемпионы атағын қорғап жатқан команда 1/16 финалда турнир дебютанты Кабо-Верде құрамасымен кездеседі.
Иордания құрамасы әлем чемпионатына алғаш рет қатысып, үш ойында да жеңіліп қалды. Ұпай жинай алмаған команда топ кестесінің соңғы орнында қалды.
Оқи отырыңыз:
Жаңалықтар
- Ақтөбеде мұғалім әйел алаяқтық күдігімен ұсталды
- Күннің тұтылуын тамашалаған Германия халқы көз ауруына шағымданды
- Қазақстанда 276 мыңнан астам вейп тәркіленді
- Тәшиев 2027 жылы президент болуы мүмкін еді: Жапаров өз жоспарын ашып айтты
- Дастан Сәтбаевтың бейнесі АПЛ-дың ресми сайтына қосылды: Ол «Челсида» қала ма?
- Тағы бір жоғары лауазымды полицей Таразда ұсталды
- Нұрай Серікбайдың өлімі бойынша сот үкімі шықты: Өмір бойына бас бостандығынан айыру жазасы берілді
- Телефоны мен Telegram-ды тексерген: Әнші Нұрбек Айқынбаев Алматы полицейлеріне шағымданды
- Динара Сәтжан мен Баян Алагөзова туралы даулы пікір айтқан Бағдагүл емшіге сот үкімі шықты
- ІІМ қазақстандықтардың жеке деректері сатылды деген ақпаратқа өз жауабын берді
- Қазақстан президенті АҚШ-та өтетін G20 саммитіне қатысады
- Бұрынғы әйелінің бетіне қышқыл шашып күйдіріп, қашып кеткен адам ұсталды
- Қазақстанда Telegram неге істемей қалды? Цифрлық даму министрлігі мен «Қазақтелеком» түсіндірді
- Күннің толық тұтылуы: Астрономиялық құбылысты бірнеше ел тамашалады
- Науқас отадан кейін ішінде қалған дәкемен екі ай қиналып жүрген
- Жалған қажылық ұйымдастырып, жұрттан 60 млн теңге жинап алғандар сотталды
- Қайсар Қамза ісінің жай-жапсары: ҚМА тағы төрт күдіктінің аты-жөнін атады
- Алматыда қойма өртеніп жатыр: Өртті сөндіруге 63 маман тартылды
- Ресейлік стример Fasoollka арандату сөздерін айтқаны үшін елден шығарылды
- Туған нәрестесін 800 мыңға саудалап, 100 мың теңгеге сатпақ болған әйел сотталды
