Абайтанушы Мекемтас Мырзахметұлы қайтыс болды

95 жасқа қараған шағында  профессор, ғалым Мекемтас Мырзахметұлы қаза болды, деп хабарлайды Orda.kz. 

Абайтану, бауыржантану, мұхтартану, яссауитану және Абайдың поэзиясына қатысты еңбектер жазған ғалым ғұмырын осы ұлы тұлғалардың мұрасын жинап, келер ұрпаққа талдап, жүйелеп, түсірумен айналысты. Оның зерттеулері Жүсіп Баласағұнның «Құтадғу білік», Яссауидің «хал ілімі», Абайдың «толық адам» ілімі секілді өте құнды дүниелерді қамтыды. 

Мекемтас Мырзахметұлы кеңес кезінде-ақ Ресейдің миссионерлік саясатын әшкерелеп «Қазақ қалай орыстандырылды» атты еңбегін жазды. 

«Абай Құнанбаев. Библиографиялық көрсеткіш» (1965), «Мұхтар Әуезов және Абайтану проблемалары (1982), «Абай жүрген ізбенен» (1985), «Абайтану. Библиографиялық көрсеткіш» (1988), «Абайдың адамгершілік мұраттары» (1993), «Абайтану тарихы» (1994), «Восхождение Мухтара Ауэзова к Абаю» (1994), «Абай және Шығыс» (1995), «Әуезов және Абай (1996), «Түркістанда туған ойлар» (1998), «Түркістан, Тараз арасы...» т.б. құнды еңбектері бар.

Orda.kz Мекемтас Мырзахметұлының жақындарына және қазақ халқына қайғырып көңіл айтады.

Еске сала кетсек, 9 қаңтар күні қазақтың заңғар жазушысы, тарихшы Мұхтар Мағауин шетелде қаза болды. Қазақ әдебиетіндегі жазушылар осы қаралы хабардан соң Orda.kz тілшісіне жазушы жайлы, оның шетелге кетуі жайлы пікірін айтты.