Абайдың мерейтойында өздерін еріктілерге қоршатып жүрген Мәулен Әшімбаев пен Берік Уәли сынға қалды

Семейде Абай Құнанбаевтың мерейтойында әкім Берік Уәли, депутат Қазыбек Иса мен сенат төрағасы Мәулен Әшімбаевты және басқа шенеуніктерді еріктілер қоршап жүрді, деп хабарлайды Orda.kz.

Бейнежазбаны журналист Мадина Жатқанбаева Facebook-парақшасында жариялады.

«Абайдың 180 жылдығына келген сенат төрағасы Мәулен Әшімбаев пен облыс әкімі Берік Уәлиді волонтёрлар қоршап, ешкімді жолатпады. Кімнен, неден қорқып жүр екен? Ортасында министрлер мен депутаттар да жүр» — деп жазды ол. 

Биыл қазақ жазба әдебиетінің белнілі тұлғасы Абай (Ибраһим) Құнанбайұлының туғанына 180 жыл. Қазақ елі ақынның мерейтойын 1-10 тамыз аралығында атап өтті.