Абай облысында мектеп есепшісі өзіне екі еселенген жалақы алып отырған

Мақаншы ауданының прокуратурасы Қарабұтақ орта мектебінде бюджет қаражаты жымқырылғанын анықтады, деп хабарлайды Orda.kz. 

Прокуратура мәліметінше, мекеменің бас есепшісі ай сайын өзіне екі еселенген жалақы есептеп отырған. Сондай-ақ ол  мектепте жұмыс істемейтін жұбайына да заңсыз түрде жалақы аударған.

Заңсыз әрекет нәтижесінде 18 млн теңгеден астам бюджет қаражаты жымқырылған.

Аудан прокуратурасы «Сенiп тапсырылған бөтен мүлiктi иемденiп алу немесе талан-таражға салу» бойынша сотқа дейінгі тергеп-тексеруді бастады.

Қазіргі уақытта келтірілген залал ішінара өтелді.

Оқи отырыңыз:

• Қазақстанда жыл басталғалы көршілес елдерден қашып келген 51 қылмыскер құрықталды
• Дер кезінде полиция шақырған балалар аналарын құтқарып қалды
• «Жаңа ғасыр» театрына Асанәлі Әшімовтің есімі берілді