Абай облысында көлік апатынан зардап шеккен қыздың жансақтау бөлімінде жатқанына бір айдай болды

Абай облысының Үржар ауданы Бестерек ауылындағы апаттан зардап шеккен тоғыз жастағы қыз әлі де жансақтау бөлімінде жатыр. Бұл туралы Абай облысының Денсаулық сақтау басқармасы мәлімдеді, деп хабарлайды Orda.kz.

Дәрігерлердің айтуынша, баланың жағдайы өзгеріссіз сол қалпы. Қызға жансақтау бөлімінде механикалық желдету аппараты қосылған.

Айта кетейік, қайғылы оқиға 19 тамыз күні болды. 55 жастағы автокөлік жүргізушісі үй қақпасының жанында ойнап жүрген алты баланы қағып кетті. Олардың үшеуі оқиға орнында көз жұмды. Қаза тапқандардың кенжесі небәрі екі жаста, ал үлкені сегізде. 

6 мен 9 жас аралығындағы үш бала ауруханаға жатқызылды. Кейін екеуі Астанаға санитарлық авиациямен жіберілді. Бір қыздың жағдайы өте ауыр болғандықтан аудандық ауруханада қалды. Президенттің тапсырмасы бойынша өңірге елорданың мамандары шұғыл келіп, бірнеше ота жасады. Кейін қызды Семей медициналық университетінің ауруханасына жеткізді. 

Көлік жүргізушісі екі айға қамауға алынды. Оның туыстары қайғылы оқиғаның себебі жүрек талмасы болды деп мәлімдеді. 

Айта кетейік, Қостанай облысында әйелінің экс-күйеуінен ақша бопсалаған ер адам ұсталды.