Абай ілімі – рухани шамшырағымыз: Президент халықты Абай күнімен құттықтады
Фото: gov.kz
Мемлекет басшысы ұлы ойшылдың шығармашылық әрі зияткерлік мұрасы әлемдік және ұлттық мәдениеттің асыл қазынасы қатарынан айрықша орын алатынын атап өтті. Абай ілімі – рухани шамшырағымыз, айнымас темірқазығымыз екенін айта отырып, қазақстандықтарды Абай күнімен құттықтады, деп хабарлайды Orda.kz.
Президенттің айтуынша, ақын жұртшылықты толғандыратын көкейкесті мәселелерді бүкпесіз айтып, халқымызды бейқамдық пен жалқаулықтан аулақ болуға шақырды. Хакімнің «Толық адам» идеясы – әрбір азаматты рухани кемелденуге үндейтін және ешқашан өзектілігін жоғалтпайтын мазмұны терең тұжырым.
«Биыл Абай күні елімізде жүргізіліп жатқан ауқымды өзгерістермен тұспа-тұс келіп отыр. Қазақстанның Халық Конституциясы заңды күшіне еніп, биліктің барлық институттарын түбегейлі жаңғырту үдерісі басталды. Бұл – шын мәнінде, ұзақ мерзімге арналған даму бағдарымызды айқындайтын ерекше кезең. Көп ұзамай ел тарихында алғаш рет Құрылтай сайлауы өтеді. Бір палаталы Парламент реформаларды сапалы әрі тиімді жүзеге асыруға тың серпін беретіні сөзсіз»,— деді Тоқаев.
Бұл өзгерістердің түпкі мәні – жасампаздық құндылықтарын азаматтардың санасына сіңіріп, Қазақстанның тың қарқынмен дамуына жол ашу. Біз қоғамда жаңа этиканы қалыптастыру, ұлттық бірегейлікті нығайту және гуманистік идеалдарды дәріптеу барысында әрдайым Абайға жүгінеміз, деп тоқталды мемлекет басшысы.
«Ұлы ақын халықтың болашағы үшін білімпаздық, еңбекқорлық, жауапкершілік сынды қасиеттер өте маңызды екенін ұғындырды, көрегендік танытып, жұртты бірлік пен келісімді сақтауға шақырды. Абай қара сөздерінің тағылымы қазіргі Қазақстанның құндылықтарымен толық үндеседі. «Адал Азамат», «Таза Қазақстан», «Заң мен Тәртіп» тұғырнамалық идеялары – Абай армандаған берекелі қоғамның берік негізі. Сондықтан, біз Әділетті, Озық әрі Қуатты Қазақстанды құрып жатырмыз» ,— деді президент.
Тоқаев ұлы ойшылдың мол мұрасы алдағы уақытта да өскелең ұрпақты шынайы отаншылдық пен туған елге сүйіспеншілік рухында тәрбиелеу ісінде рухани азық болады деп сенетінін жеткізді.
Оқи отырыңыз:
Жаңалықтар
- Еліміздің көп өңіріне +44 градусқа дейінгі аптап ыстық қайта оралады
- Салтанат Әзірбек: Алматы полициясы бақылауды күшейтіп, қаладағы ауыр қылмыс азайды
- Омбыда көлік адамдарды қағып, бір әйел қаза тауып, тоғыз адам зардап шекті
- Қамза экстрадицияланғаннан кейін Өзбекстандық блогер Хикматов халықаралық іздеуге жарияланды
- Қытайда «Дельфин» тайфунына байланысты миллионнан астам адам эвакуацияланды
- Денесінен көгерген іздер көрдім: Ашыбұлақта әйелдің өліміне қатысты тың деректер шықты
- Қазақстандық пауэрлифтер Гүзал Ергешева Англияда қайтыс болды
- Батыс Қазақстандағы күре жолда жүріп келе жатқан автобус жанып кетті
- Бақыт Есімова президент әкімшілігінің бөлім басшысы болып тағайындалды
- Абай ілімі – рухани шамшырағымыз: Президент халықты Абай күнімен құттықтады
- Полицейдің көзінше әйелдің басынан тепкен: Жетісу облысындағы базарда болған сұмдық
- Абай облысында байыту фабрикасында өрт шығып, 20 адам эвакуацияланды
- Қазақстанда бір апта ішінде 47 орман өрті болды
- Қазақстан мен Қытай жер сілкінісін бірлесе зерттейді
- Қазақстан мен Грекия КҚК қауіпсіздігі мен Еуропаға мұнай жеткізу мәселесін талқылады
- Future Games-2026: Павел Дуров Астанада өткен ЖИ олимпиадасы жеңімпаздарына 100 мың доллардан астам сыйақы береді
- Иран Ормуз бұғазын ашу үшін АҚШ-қа қатаң шарт қойды
- Маңғыстаудағы Құлжан мұнай кен орнында өрт шықты
- «Болашақ ойындары — 2026»: Қазақстан командасы Phygital Shooter бойынша чемпион атанды
- Министрлік түсіндірді: Неге кейде 120 балл жетпей, ал 100 баллмен тегін оқуға түсуге болады?
