Ақтөбеде 12 миллион теңгені жымқырған ауыл әкімі бес жылға сотталды

Аграрлық несие корпорациясы берген несиеге «Құлан» бағдарламасы бойынша 40 жылқы сатып алынды.

Ақтөбедегі Мұғалжар ауданы ауылдық округі әкімінің алаяқтық фактісі бойынша қозғалған қылмыстық іс бойынша тергеу аяқталды, деп хабарлайды Қаржы мониторингі комитетінің баспасөз қызметі.

Жедел-іздестіру іс-шараларын жүргізгеннен кейін, Аграрлық несиелік корпорацияның Ақтөбе филиалы шаруа қожалығының иесіне «Құлан» бағдарламасы бойынша 40 жылқы сатып алуға жалпы сомасы 11 840 000 теңге несие бергені анықталды. Алайда, бұл ақша шаруа қожалығының иесіне жетпеген.

Мұғалжар аудандық сотының үкімімен ауылдық округ әкімі Қылмыстық кодексінің 190-бабы 4-бөлімімен («әсіре ірі көлемдегі алаяқтық») жалған құжаттар мен ақшалай қаражаттарды өз қажеттіліктері үшін иемдену және ысырап етіп, қолданғаны үшін кінәлі деп танылды. Сот оны бес жылға бас бостандығынан айырды.