«900 млн теңге»: Астанада заңсыз жұмыс істеген майнинг фермасы анықталды

Астанада 2022 жылдан 2024 жылдың мамырына дейін майнинг фермасын қозғалтқыштарды өңдеу орталығы ретінде көрсетіп, жасырып келген үш азамат ұсталды, деп хабарлайды Orda.kz.

ҚМА-ның мәліметінше, заңсыз жолмен алынған цифрлық активтер 143 млн теңгеден асқан. Тінту барысында 1 257 цифрлық активтерді өндіруге арналған жабдық, өнеркәсіптік желдеткіштер мен трансформаторлық станция табылды.

Сот шешімімен 900 млн теңгеден астам мүлік, 2 көлік және майнинг жабдықтары тәркіленді. Сот 3 азаматқа айыппұл салу жазасын тағайындады. Олар мемлекетке 143,2 млн теңге қайтаруы керек.

Еске салайық, Ақтөбеде 2022-2024 жылдар аралығында 12 млн теңгені бәске тіккен екі мектептің директоры сотталған еді.