9 жасар Малика: 2 жылға созылған іске қатысты үкім шықты

Қаскелең қаласындағы Қарасай аудандық сотында соңғы 2 жыл бойы қозғалмай, тек соңғы 2,5 айда ғана ІІМ мен прокуратураның және бала құқығы жөніндегі уәкілдің жеке бақылауында болған 9 жасар Маликаның ісі бойынша бүгін сот үкімі оқылды, деп Orda.kz хабарлайды.

Құрылысқа жауапты деп жәбірленуші тарап әу баста жатахқана иесі Анар Тыныбекованы кінәласа да тергеу барсында  құрылысқа жауапты бригадир кінәлі деп танылды. Ал Тыныбекова куәгер болып шыға келді. Сот құрылысқа жауапты бригадирді 1 жылға бас бостандығынан айырып, сот залында қамауға алды. Сонымен қатар, Маликаның ата-анасына моральдық шығын ретінде 6 миллион теңге өндіруді үкім етті. Бұған дейінгі қорғаушы Инга Иманбайдың азаматтық талап-арызында 40 миллион теңге көлеміндегі материалдық шығынды азаматтық негізде сотта қарауға қалдырды. 

Айта кетейік,  2 жылдан бері  әділ тергеу де, сот та болмаған бұл іске белгілі заңгер Инга Иманбай тамыз айында араласқаннан кейін ғана іс прокуратура мен бала құқығы жөніндегі уәкілдің бақылауына алынып, алға жылжыған болатын.

Тұрғын үйлер аумағында салынып жатқан 4 қабатты жатақхананың кәріз құдығына құлап кетіп, мүгедек болып қалған 9 жасар Малика туралы оқиғаның қалай болғандығын Orda.kz тілшісінің зерттеуінен оқи аласыздар.