9 мамырда бітімгершілік болмайды: Зеленский Путиннің ұсынысын қабылдамады

Оның орнына Зеленский 30 күндік оқ атуды тоқтатуды талап етуде, деп хабарлайды Orda.kz украиндық БАҚ-қа сілтеме жасай отырып.

Украина президенті Ресей көшбасшысы Владимир Путиннің 9 мамырдағы үш күндік бітімгершілік туралы ұсынысын қабылдамады және 30 күнге оқ атуды тоқтатуды талап етеді.

«Сөзсіз оқ атуды тоқтату - америкалықтар ұсынған модель. Біз оны қабылдаймыз. Осы күннен бастап немесе басқа күннен бастап - мүмкіндігінше ертерек. Иә, 30 күнге байқап көрейік. Неліктен 30 күнге оқ атуды тоқтату керек? Себебі үш, бес, жеті күн ішінде ештеңе келісу мүмкін емес», - деп мәлімдеді Украина басшысы. 

Сондай-ақ, Зеленский Украина 9 мамырда Мәскеуге келетін әлемдік көшбасшылардың қауіпсіздігіне кепілдік бермейтінін айтты.

Бұған дейін Украина көшбасшысы Путин ұсынған бітімгершілікті «айла-шарғы жасау әрекеті» деп атаған және Украина наурыздың өзінде-ақ Американың бітімгершілік туралы бастамасына келіскенін атап өткен. Оның айтуынша, ұрыс қимылдарын тоқтату үшін 8 мамырды күтудің қажеті жоқ.

Бұған дейін Орда Путин Пасха келісімін жариялап: Зеленский оны қолдап, 30 күнге ұзартуды ұсынғаны туралы жазған болатын.

18 наурызда Ресей мен АҚШ президенттері Владимир Путин мен Дональд Трамп телефон арқылы сөйлесті. Ақ үй басшысы екі тарапқа да 30 күн мерзімге энергетикалық инфрақұрылым нысандарына шабуыл жасаудан бас тартуды ұсынды. Путин бұл бастаманы қолдады.

Жақында Хамас та  Газадағы соғысты тоқтатуға, барлық кепілге алынғандарды босатуға және бес жылдық бітімгершілік орнатуға дайын екенін мәлімдеді.

Сондай-ақ Трамптың арнайы өкілі 1945 жылғы Берлин сценарийі бойынша Украинаны «бөліп алу» мүмкіндігін айтты.