«80 млрд шығын»: Жетісуда Еуропаға балық өнімдерін заңсыз экспорттағандар ұсталды

Жетісу облысының табиғатты қорғау прокуратурасы Еуропа елдеріне заңсыз балық экспорттағандарды ұстады, деп хабарлайды Orda.kz.

Балық шаруашылығы субъектілері 20-дан астам еншілес компания құрған және солар арқылы өнімді шетелге шығарған. Алайда, осы компанияларда бекітілген су қоймалары болмаған, квота алмаған және экспортқа рұқсаттары жоқ болған.

Мысалы, серіктестіктердің бірі 270 тонна балық аулауға квотасы бар болса да, іс жүзінде 4 920 тонна балық экспорттады, оның 2 096 тоннасы еншілес компаниялар арқылы кеткен.

Уәкілетті органның қорытындысы бойынша, 4 балық аулау субъектісі мен олардың еншілес компанияларының заңсыз әрекеттерінен келген шығын 80 миллиард теңгеден асты.